ਇਉਂ ਬੋਲਿਆ ਪੰਜਾਬ ਸਿੰਘ!
ਇਕ ਧੇਲਾ ਦੀ ਕੀਮਤ ਵੀ ਨਹੀਂ ਹੁੰਦੀ,
ਇਕ ਧੇਲਾ ਦੀ ਕੀਮਤ ਵੀ ਨਹੀਂ ਹੁੰਦੀ,
ਝੂਠੇ ਬਿਆਨ ਅਖਬਾਰਾਂ ਵਿਚ ਘੋਟਿਆਂ ਦੀ।
ਭਲੇ ਮਾਣਸ ਨੂੰ ਗਊ ਹੀ ਸਮਝਦੇ ਨੇ,
ਚੌਧਰ ਚੱਲਦੀ ਸਿਆਸੀ ਝੋਟਿਆਂ ਦੀ।
ਕਿਰਤੀ ਹੱਡੀਆਂ ਰਗੜਦੇ ਮਰੀ ਜਾਂਦੇ,
ਚਰਬੀ ਵਧੀ ਜਾਵੇ ਢਿੱਡਾਂ ਮੋਟਿਆਂ ਦੀ।
ਵੱਡੇ ਛੋਟੇ ਸਭ ਪਿੱਟਦੇ ਹਾਏ ਬਿਜਲੀ!
ਸੁੰਨੀ ਹੁੰਦੀ ਪਈ ਛਾਂ ਬਰੋਟਿਆਂ ਦੀ।
ਚਰਖੇ ਪਏ ਸਟੇਜਾਂ ਦੇ ਤਰਸਦੇ ਨੇ,
ਕੱਤੇ ਕੌਣ ਚੰਗੇਰ ਗਲੋਟਿਆਂ ਦੀ।
ਸਮੇਂ ਕਿੱਦਾ ਦੇ ਆਏ ਪੰਜਾਬ ਸਿੰਘਾ,
ਕੀਮਤ ਖਰਿਆਂ ਤੋਂ ਵਧੀ ਏ ਖੋਟਿਆਂ ਦੀ।
ਤਰਲੋਚਨ ਸਿੰਘ ਦੁਪਾਲਪੁਰ
408-903-9952
