ਕਿਉਂ? ਕਿਉਂ? ਕਿਉਂ?
ਹੇਰਾ ਫੇਰੀਆਂ ਨਾਲ ਮਦੁ-ਮਸਤ ਆਗੂ
ਕਾਮਯਾਬੀਆਂ ਹਾਸਲ ਕਿਉਂ ਕਰੀ ਜਾਂਦਾ?
ਕਾਮਯਾਬੀਆਂ ਹਾਸਲ ਕਿਉਂ ਕਰੀ ਜਾਂਦਾ?
ਸੱਚ, ਧਰਮ, ਈਮਾਨ, ਨਿਆਂ ਛੱਡ ਕੇ,
ਡੱਬਾ ਨੋਟਾਂ ਦੇ ਨਾਲ ਕਿਉਂ ਭਰੀ ਜਾਂਦਾ?
ਆਉਣ ਅੰਤ 'ਹਰਣਾਕਸ਼' ਦਾ ਕਦੋਂ ਬਾਬਾ!
ਜਿੱਧਰ ਦੇਖੋ 'ਪ੍ਰਹਿਲਾਦ' ਹੀ ਮਰੀ ਜਾਂਦਾ?
ਮਲਕ ਭਾਗੋ ਦੀ ਗੁੱਡੀ ਅਕਾਸ਼ ਚੜ੍ਹਦੀ,
ਭਾਈ ਲਾਲੋ ਜੀ ਹਉਂਕੇ ਕਿਉਂ ਭਰੀ ਜਾਂਦਾ?
ਅੱਖੀਂ ਦੇਖ ਕੇ ਮੱਖੀ ਨਹੀ ਨਿਗਲ ਹੁੰਦੀ,
ਅੱਖੀਂ ਦੇਖ ਕੇ ਮੱਖੀ ਨਹੀ ਨਿਗਲ ਹੁੰਦੀ,
ਆਮ ਆਦਮੀ ਜ਼ੁਲਮ ਕਿਉਂ ਜਰੀ ਜਾਂਦਾ?
ਹੇ ਗੁਰਦੇਵ ਜੀ ਆਹ ਕੀ ਹੋ ਰਿਹਾ ਏ!
ਕੂੜ ਜਿੱਤਦਾ, ਸੱਚ ਕਿਉਂ ਹਰੀ ਜਾਂਦਾ?
