ਸਿੰਘ ਆ ਕੇ ਇੱਕ ਪੁੱਛੇ ਪ੍ਰਧਾਨ ਜੀ ਤੋਂ,
ਕੀਰਤਨ ਵਾਸਤੇ ਕੌਣ ਬੁਲਾਏ ਹੋਏ ਨੇ?
ਤੰਤੀ ਸਾਜ਼ਾਂ ‘ਤੇ ਗਾਏਗਾ ਕੌਣ ਭਾਈ,
ਜਿਹੜੇ ਰਾਗ ਗੁਰੂ ਗ੍ਰੰਥ ਵਿੱਚ ਗਾਏ ਹੋਏ ਨੇ?
ਕੌਣ ਮੇਟੇਗਾ ਭਰਮ-ਭੁਲੇਖਿਆਂ ਨੂੰ,
ਗੁਰੂ-ਡੰਮੀਆਂ ਨੇ ਜਿਹੜੇ ਪਾਏ ਹੋਏ ਨੇ?
ਅੱਗੋਂ ਹੱਸ ਕੇ ਕਿਹਾ ਪ੍ਰਧਾਨ ਜੀ ਨੇ,
‘ਇੱਕ ਸੌ ਅੱਠ ਮਹਾਰਾਜ’ ਜੀ ਆਏ ਹੋਏ ਨੇ।
‘ਕੱਤੀ ਰਾਗਾਂ ਦੀ ਛੇੜ ਨਾ ਗੱਲ ਸਿੰਘਾ,
‘ਕੱਤੀ ਰਾਗਾਂ ਦੀ ਛੇੜ ਨਾ ਗੱਲ ਸਿੰਘਾ,
ਇੱਥੇ ਪੈਣੀ ਗੜਗੱਜ ਹੈ ਢੋਲਕਾਂ ਦੀ।
‘ਫਿਊਚਰ’ ਸਿੱਖੀ ਦਾ ਗੁਰੂ ਨੂੰ ਪਤਾ ਹੋਊ!,
ਚਿੰਤਾ ਸਾਨੂੰ ਤਾਂ ਪਈ ਏ ਗੋਲ੍ਹਕਾਂ ਦੀ!!
ਤਰਲੋਚਨ ਸਿੰਘ ਦੁਪਾਲਪੁਰ
-001-408-903-9952
